Astanada ashyq aspan astynda «Astana Food and Fashion Festival-2016» festıvali ótedi

«Astana Food and Fashion Festival» sharasy alǵash ret 2015 jyly uıymdastyrylǵan bolatyn jáne ózin sátti áleýmettik joba retinde tanyta bildi.

Taǵam jáne Sán Festıvali sheńberinde meıramhanalar, dámhanalar, qazaqstandyq kásipkerler men shaǵyn bıznes ókilderi «Shatyr», «Jeruıyq», «Kók bazar» atty dástúrli sektsııalarda óz ónimderin usynatyn bolady. Festıval dırektory Álııa Saparova atalmysh joba astanalyq meıramhanalar men dızaınerler úshin erekshe serpin beredi dep sanaıdy. Sebebi munda áriptestik qarym-qatynastardy ornatyp qana qoımaı, jańa bilim jınaqtaýǵa múmkindik týmaq. Sebebi shara barysynda Frantsııadan, Italııadan, Reseıden kelgen shef-aspazshylar sheberlik saǵattaryn ótkizedi.

«Astana EKSPO-2017» halyqaralyq kórme qarsańynda bul sharaǵa qatysatyn seriktester «Recommended by EXPO» mártebesine ıe bola alady.

Festıvalde merekelik djaz baǵdarlamasy, Pop Up Shop Astana sektory dızaınerlik kıimder, zergerlik áshekeıler, kórkem-óner galereıasy men ınterer buıymdaryn, Mamas EXPO sektory balalarǵa jáne búkil otbasyna arnalǵan oıyn-saýyq sharalaryn usynady. «Astanalyq» sektorda asúıge arnalǵan ónimder kórsetilse, «Sport alańy» belsendi ómir saltyn damytýǵa baǵyttalǵan.

«Astana Food and Fashion Festival-2016» qala turǵyndaryn qazaqstandyq taǵamdarmen, as jáne sán salasynyń jańalyqtarymen, qaýipsiz ári mádenı otbasylyq demalys túrlerimen tanystyrý arqyly Qazaqstan azamattarynyń jańa ózindik derbes kózqarasyn qalyptastyrýǵa jol ashady», - deıdi A.Saparova.

Uıymdastyrýshylardyń aıtýynsha, «Astana Food and Fashion Festival» barysynda qatysýshylardan jınalǵan qarajattyń 10 paıyzyn «Ashyq álem» jáne «Dara» qaıyrymdylyq qoryna aýdarady.