Astanada ashtyq qurbandaryna ornatylǵan eskertkish-músin urlandy
ASTANA. QazAqparat - Astanada ashtyq qurbandaryna ornatylǵan kompozıtsııalyq eskertkishten ul balanyń qola músinin urlap ketken. Polıtseıler kúdiktini ústap,qylmystyq is qozǵady, dep habarlaıdy «QazAqparat» Astana qalalyq ІІD baspasóz qyzmetine silteme jasap.
«Abaı-Respýblıka kósheleriniń qıylysynda ornalasqan 1932-1933 jyldardaǵy ashtyq qurbandaryna arnalǵan eskertkishtiń bir bóligin urlaǵan kúdikti qamaýǵa alyndy»,-dep jazylǵan habarlamada.
QR QK 188-baby (urlyq) boıynsha sotqa deıingi tergeý jumystary bastaldy.
Sonymen birge urlanǵan múlikti satyp alǵan adamnyń da aty-jóni anyqtaldy. Qazir 196-bap (Kórineý qylmystyq jolmen tabylǵan múlikti kúni buryn ýádelespeı ıemdený nemese ótkizý) boıynsha tergeý jumystary bastaldy.
Júgen ustaǵan bala kompozıtsııasyn polıtseıler metall synyqtaryn qabyldaý pýnktteriniń birinen tapqan.
