Astanada ashylǵan «Keleshek mektebi» eki bilim mekemesindegi úsh aýysym máselesin sheshti

ASTANA. KAZINFORM — Astanadaǵy № 114 jalpy bilim beretin «Keleshek mektebiniń» dırektory Ulbala Toılybaeva bul bilim ordasynyń ashylýy osy aýdandaǵy úsh aýysymdy eki mektep máselesiniń sheshilýine sebep bolǵanyn aıtty, dep habarlaıdy elorda ákimdiginiń resmı saıty.

— Qazir mektebimizde 2326 oqýshy bar. Biz osy jerdegi bala sany normadan asyp ketken eki bilim berý berý mekemesiniń, ıaǵnı № 37 men № 32 mektepterdiń úsh aýysym máselesin sheshtik. Eki mektepten 1400 bala aýysyp keldi. Qazir biz bir aýysymnan asyp, 300-den astam bala ekinshi aýysymda oqyp jatyr. Mektebimiz osy jańa oqý jylynda ǵana ashyldy. Soǵan qaramastan, bizdiń shákirtterimiz qalalyq, oblystyq, respýblıkalyq baıqaýlardan júldeli oryndardy ıelenip jatyr, — dedi ol.

Dırektordyń sózinshe, «Keleshek mektepteri» tek ádemi, keń ǵımarattar ǵana emes.

— Bul jerde balanyń bilimi, tárbıesi qalyptasyp jatyr. Sondyqtan bilim alýǵa barlyq materıaldyq jaǵdaı jasalǵanymen qatar, qundylyq jaǵynan da erekshe nazar aýdaramyz, — dedi ol.

Dırektor mekteptegi qaýipsizdikke toqtaldy.

— Mektepte qaýipsiz orta qalyptasqan. Ol Face ID júıesi arqyly balalardyń kirip-shyǵýymen jasalyp otyr. Odan bólek ınklıýzıvti bilim berý normasyna sáıkes, erekshe qajettiligi bar balalar lıftpen júrýine bolady. Sondaı-aq balalardyń shyǵarmashylyq qabiletterin damytýǵa baǵyttalǵan qosymsha bilim berý qarastyrylǵan. Sport úıirmeleri, tigin, STEM úıirmeleri bar, — dedi dırektor.

Budan buryn elordadaǵy búldirshinderge arnalǵan Prezıdenttik shyrshaǵa 200 bala qatysqanyn jazǵan edik.