Astanada ashylatyn halyqaralyq jasandy ıntellekt ortalyǵy týraly ne belgili
ALMATY. KAZINFORM – Bıyl Astana qalasynda Halyqaralyq jasandy ıntellekt ortalyǵyn ashý josparlanyp otyr.
Digital Almaty forýmy aıasynda QR Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Alem.AI ortalyǵynyń jumysy týraly aıtyp berdi.
- Bıyl Halyqaralyq jasandy ıntellekt ortalyǵy Astanadaǵy Expo bazasynda ashylady. Biz Astana Hub-tyń sátti tájirıbesin qaıtalap, adamdardyń barlyq sanaty úshin oqytýdyń múmkindigin jasaımyz. Aldaǵy 5 jylda biz 1 mıllıonǵa jýyq adamdy oqytýdy josparlap otyrmyz. Odan bólek jasandy ıntellekt startaptaryna arnalǵan kampýs, sondaı-aq iri halyqaralyq kompanııalar ornalasatyn ortalyq bolady. Qazirgi ýaqytta sheteldik kompanııalarmen aldyn ala kelisim bar. Olar munda óz keńseleri men zerthanalaryna ashady, - dedi ol.
Sonymen qatar vedomstvo basshysynyń aıtýynsha, Alem.AI ortalyǵynda bılik jáne bıznes ókilderinen, ǵalymdardan top qurylmaq. Olar JI-di ekonomıkanyń barlyq salalaryna endirý jumysyn júrgizedi. Al ortalyqtyń ózinde lektsııa zaldary, jasandy ıntellekt mýzeıi, stýdentter men oqýshylarǵa arnalǵan qoǵamdyq keńistik bolady.
Eske salaıyq, buǵan deıin Almatynyń tsıfrlyq egizi 2026 jyldyń sońynda daıyn bolatynyn jazǵanbyz.