Astanada ashyq aspan astynda tegin ıoga jattyǵýlary ótedi

ASTANA. KAZINFORM — Elorda turǵyndary men qonaqtary úshin 5 tamyz ben 5 qyrkúıek aralyǵynda qalanyń ártúrli aýmaǵynda ashyq aspan astynda tegin ıoga sabaqtary ótedi. Bul týraly elorda ákimdiginiń baspasóz qyzmeti habarlady.

Bul bastama salaýatty ómir saltyn nasıhattaýǵa, fızıkalyq belsendilik deńgeıin arttyrýǵa jáne qala turǵyndarynyń emotsıonaldyq jaı-kúıin jaqsartýǵa baǵyttalǵan, dep habarlaıdy Astana qalasy ákimdiginiń resmı saıty.

— Jaz — densaýlyqqa kóńil bólinetin yńǵaıly ýaqyt. Astana qalasynyń Dene shynyqtyrý jáne sport basqarmasy 5 tamyzdan bastap kez kelgen adam qatysa alatyn ashyq aspan astynda ıogadan tegin oqý-jattyǵý sabaqtaryn bastaıdy.

Іs-shara tolyqtaı tegin ótedi, tirkelý qajet emes, ár qatysýshyǵa arnaıy kilemshe beriledi. Sabaqtar aptasyna úsh ret — seısenbi, beısenbi jáne senbi kúnderi saǵat 19:00–den 20:00–ge deıin ótedi.

Nelikten dál osy ýaqyt pen oryndar tańdaldy. Qalanyń ár turǵyny ózine yńǵaıly ári jaqyn oryndy tańdap, jumys ýaqytynan keıin erkin qatysýy úshin. Sabaqtardy kásibı ıoga jattyqtyrýshylary júrgizedi, al joba 5 qyrkúıekke deıin jalǵasady, — dedi Astana qalasy Dene shynyqtyrý jáne sport basqarmasynyń baspasóz hatshysy Madına Aıtqalıeva.

Sabaq ótetin oryndar:

• Saryarqa aýdany — «Ioga» saıabaǵy (Mámbetov kóshesi 1);

• Esil aýdany — «Jetisý» saıabaǵy;

• Nura aýdany — Ortalyq saıabaq;

• Almaty aýdany — Trıatlon parki jáne «Jeruıyq» saıabaǵy;

• Saraıshyq aýdany — Prezıdenttik saıabaq.

Jattyǵýlardyń naqty kestesi men tolyq aqparaty Astana qalasy Dene shynyqtyrý jáne sport basqarmasynyń resmı saıtynda jáne sporttyq-buqaralyq is-sharalardy ótkizý dırektsııasynyń áleýmettik jelidegi paraqshalarynda jarııalanyp otyrady.

Aıta ketelik Astana qalasynyń zeınetkerleri shıpajaıǵa joldamany qalaı ala alatyny týraly jazǵan edik.