Astanada «ArýAna» úzdik áıelder jobalarynyń konkýrsy ótedi
ASTANA. KAZINFORM – QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa 8 naýryz – Halyqaralyq áıelder kúnine oraı «ArýAna» úzdik áıelder jobalarynyń konkýrsyn ótkizedi. Bul týraly elorda ákimdiginiń baspasóz qyzmeti málimdedi.
Іs-sharanyń maqsaty – óńirlerde adamdardyń ómir súrý sapasyn jáne qoǵamnyń áleýmettik ál-aýqatyn arttyrýǵa baǵyttalǵan neǵurlym mańyzdy jáne paıdaly jobalardy, bastamalar men praktıkalardy anyqtaý jáne qoldaý kórsetý. Konkýrsqa Qazaqstan aýmaǵynda áleýmettik mańyzy bar jobalardy iske asyratyn áıelder men áıelder qoǵamdyq birlestikteri qatysady.
Konkýrstyq irikteý aıasynda el óńirlerinde masshtabtaýdyń joǵary áleýeti bar úzdik áıelder áleýmettik jobalary aıqyndalady. Konkýrstyq komıssııa 2024 jylǵy 5-20 aqpan aralyǵynda ótinimderdi qabyldaý men jobalardy irikteýdi júrgizedi. Іriktelgen jeńimpaz jobany Ulttyq komıssııaǵa joldaý merzimi -2024 jylǵy 22 aqpandy qosa alǵanda.
Baıqaý bir kezeńde – óńirlik deńgeıde ótkiziledi. Konkýrs jeńimpazdaryn aıqyndaý jónindegi komıssııa oblys ákiminiń jetekshilik etetin orynbasarynyń tóraǵalyǵymen memlekettik organdardyń, azamattyq sektordyń ókilderi, áıelder isteri jáne otbasylyq-demografııalyq saıasat jónindegi óńirlik komıssııalardyń músheleri qatarynan keminde 5 (bes) adamnan qurylady.
Konkýrsqa qatysý úshin ótinim arnaıy nysan boıynsha (qosa beriledi) qaǵaz nemese elektrondyq nusqada rastaıtyn qujattarmen, foto jáne beınematerıaldarmen qosa komıssııaǵa beriledi. Ótinimderdi kórsetilgen merzimnen keıin usynǵan qatysýshylar konkýrsqa qatyspaıdy. Komıssııaǵa usynylǵan ótinimder, qujattar, foto jáne beınematerıaldar qaıtarylmaıdy.
Konkýrstyq komıssııa mynadaı ólshemsharttardy eskere otyryp, otyrysqa qatysatyn barlyq músheleriniń kópshilik daýysymen ashyq daýys berý arqyly sheshim qabyldaıdy:
• jobanyń ózektiligi (1-den 5 ballǵa deıin);
• jobanyń áleýmettik mańyzdylyǵy (1-den 5 ballǵa deıin);
• jobanyń qol jetkizilgen nátıjeleri (1-den 5 ballǵa deıin);
• jobany qamtý (1-den 5 ballǵa deıin). Іrikteý qorytyndysy boıynsha 1 (bir) jeńimpaz joba Ulttyq komıssııaǵa jiberiledi.
Konkýrs jeńimpazdaryn marapattaý rásimi 8 naýryz Halyqaralyq áıelder kúni qarsańynda saltanatty túrde dıplom jáne erekshelik belgisin (músinshe) tapsyra otyryp ótkiziledi.
