Astanada «Arý-Astana 2012» jáne «Beauty Word 2012» kórmeleri ótýde
ASTANA. 8 qarasha. QazAqparat - Búgin Astanadaǵy «Kórme» ortalyǵynda «KAZEKSPO» kompanııasynyń uıymdastyrýymen 9-shy «Arý-Astana 2012» Halyqaralyq zergerlik kórmesi men 6-shy «Beauty Word 2012» Halyqaralyq sulýlyq pen sán ındýstrııa kórmesi ashyldy.
Kórme 11 qarashaǵa deıin jalǵasady.
«KAZEKSPO» Halyqaralyq kórme kompanııasynyń dırektory Rımma Ǵalymjanovanyń aıtýynsha, «Arý» halyqaralyq zergerlik kórmesi jyl saıyn eki ret, kóktemde «Arý-Almaty» degen atpen Almatyda, al kúzde «Arý-Astana» degen atpen Astanada ótkiziledi.
«Bıylǵy kórmege Reseı, Túrkııa, Ýkraına, Armenııa, Belgııa, Úndistan, Birikken Arab Ámirlikteri, Ózbekstan jáne Qazaqstannan 60-tan asa iri eksponetter qatysyp otyr. Byltyrǵy kórmeni 10 myńnan astam adam tamashalaǵan. Bul degenińiz osy arnaıy jobanyń ózindk ereksheligin kórsetedi», - deıdi Rımma Ǵalymjanova.
Kórmege kelýshilerdiń nazaryna jańa jáne klassıkalyq úlgilerdegi asyl jáne jartylaı asyl tastarmen kómkerilgen altyn, kúmis jáne platınadan jasalǵan buıymdar jáne sonymen qatar, zergerlik óneriniń sheberleri qolynan shyqqan bıjýterııa, qol saǵattary, as úı buıymdary jáne ydys-aıaq, estelik buıymdar, aksessýarlar jáne basqa da buıymdar qoıylǵan.
Al «Beauty Word 2012» Halyqaralyq sulýlyq pen sán ındýstrııa kórmesine alys-jaqyn shet elderdiń beauty-ındýstrııa salasyndaǵy iri kompanııalary qatysyp otyr. Kórmeniń 4 kúninde kosmetalogııa salasyndaǵy sheberlik synyptary ótkiziledi.
Sharalar QR Úkimeti, Astana qalasynyń ákimshiligi, Qazaqstan kórkemsýret akademııasy jáne Qazaqstan zergerleriniń ulttyq assotsıatsııasynyń qoldaýymen ótkizilýde.
