Astanada «Artem» temirbetondy qurylymdar aýmaǵynda órt boldy
ASTANA. 9 sáýir. QazAqparat - 8 sáýir saǵat 02.40-ta Astananyń «Saryarqa» aýdanynda «Artem» temirbetondy qurylymdar aýmaǵynda «Temirtaý elektrmetall kombınat» AQ-na tıesili jumyrtqa qaǵazdaryn jasaıtyn zaýyttyń qoımasynda órt boldy.
QR TJM baspasóz qyzmeti habarlaǵandaı, órtti sóndirýge QR TJM Astana qalasynyń TJD órtke qarsy qyzmetiniń 80 adamy men 16 tehnıkasy jumyldyryldy. Jalyn sharpyǵan aýmaq 250 sharshy metrdi qurady. Qaza bolǵandar men zardap shekkender joq.
