Astanada «Art-Dala» jańa zaman óneriniń kórmesi ashyldy

Onda Germanııa, Italııa, AQSh, Shveıtsarııa, Avstrııa, Chehııa, Lıtva, Túrkııa, Birikken Arab Ámirlikteri, Úndistan, Meksıka jáne taǵy basqa elderde kórmelerge qatysyp júrgen elimizdiń jańashyl baǵyttaǵy sýretshileri qatysty. Olardyń arasynda esimderi ónersúıer qaýymǵa keńinen tanymal Saıd Atabekov «Er-turman», Smaıl Bııalıev «Úıir», Syrlybek Bekbotaev «Dala gúlderi», Arystan Shalbaev «7 kún» sııaqty týyndylaryn kópshilikke usyndy.

Jalpy aıtqanda kórmege ınstalıatsııa, fotoart, vıdeoart, perfomans, heppenıng, pop art, envaırament, kontseptýaldyq janrdaǵy kartınalar qoıyldy. Jobanyń maqsaty jańa tehnologııalardy jáne jergilikti resýrstardy paıdalana otyryp, dala mádenıetin álemdik deńgeıde kórsetý. Máselen «Úıir» atty kompozıtsııada temir qańqalardy kıizben qurap qaptaǵan jylqylardyń bastary beınelengen. Nemese «7 kún» jumysynda kádimgi qazaqtyń kúlshesi ispettes jasalǵan 7 dóńgelekke jol júrý erejeleriniń 7 túrli shekteý qoıý belgileri salynǵan.

«Qazaqstan táýelsizdigin alǵannan beri jahanda bolyp jatqan ıntegratsııalyq jaǵdaılardy bastan keshirýmen qatar, sol baǵytta damýǵa uıytqy bolyp otyrǵan kóshbasshy memleketterdiń biri. Bul ózgerister tek ekonomıkaǵa ǵana emes, óner salasyna da yqpalyn tıgizýde. Jańa zaman, jańa óner, jańa talap bizdiń sýretshilerimizge balamaly jobalar jasaýǵa birden-bir qozǵaýshy kúsh retinde áser etip, shyǵarmashylyq jaǵynan jańa múmkindikter týǵyzdy», - deıdi sharany uıymdastyrýshy «Qazaqstan halqynyń rýhanı damý qorynyń» prezıdenti  Baqytjan Quljabaev.

Aıta keteıik, kórme QR Mádenıet jáne aqparat mınıstrligi Mádenıet komıtetiniń qoldaýymen uıymdastyrylyp, shet elderden óner salasynyń tanymal synshylary shaqyryldy.