Astanada arnaıy operatsııa kezinde qaýipti pırotehnıkalyq ónimniń 3 myńnan astam danasy alynyp tastaldy
ASTANA. 28 jeltoqsan. QazAqparat - «Pırotehnıka» operatsııasy aıasynda astanalyq polıtsııa qyzmetkerleri 12 buzýshylyqty anyqtady, sertıfıkattalmaǵan pırotehnıkalyq ónimniń 3 myńnan astam danasy satýdan alynyp tastaldy, dep habarlaıdy Astana qalasy ІІD-niń baspasóz qyzmeti.
Osylaısha, jedel-aldyn alý operatsııasynyń barysynda «Artem» saýda úıiniń qasynda polıtsııa qyzmetkerleri pırotehnıkalyq ónimniń iri tobyn - 13 qorapta bolǵan 783 danasyn tárkiledi. Olardy saqtaýǵa jáne satýǵa ruqsat etetin qujattar bolǵan joq. Zańnamany buzǵan satýshylarǵa ákimshilik aıyppuldar salynady.
Esterińizge sala keteıik, 2011 jyldyń 19 jeltoqsanynan bastap polıtsııa qyzmetkerleri TJ qyzmetkerlerimen birigip pırotehnıkalyq ónimderdi satatyn saýda oryndaryna reıdter júrgizip jatyr. Osyndaı reıdterdiń maqsaty - pırotehnıkalyq ónimderdi satý jáne saqtaý erejeleriniń saqtalýyn tekserý bolyp tabylady.
