Astanada arnaıy avtobýs jolaǵyn salý bıylǵy maýsymda bastalady

ASTANA. QazAqparat - Astanada arnaıy bólingen jol jolaǵymen jyldam júretin avtobýs júıesin salý bıylǵy maýsymda bastalady. Bul týraly búgin ótken baspasóz máslıhatynda qala ákiminiń orynbasary Qanat Sultanbekov aıtty.

«Jolaýshylardy alys-jaqyn araqashyqtyqta tasymaldaý úshin de qolaıly avtokólik qajet. Ol úshin BRT (Bus Rapid Tranzit) - arnaıy bólingen jol jolaǵymen jyldam júretin avtobýs júıesi iske qosylady. Joba 3 taraýdan turady», - dep atap ótti ol.

Ákim orynbasarynyń aıtýynsha, BRT qurylysy 2014 jyldyń maýsym aıynda bastalady (uzaqtyǵy 22,4 km, 26 beketten turady, 27 birlik jyljymaly quram). Qurylys-montaj jumystary 2015 jyly jeltoqsanda jalǵastyrylady. Al qoldanysqa 2016 jyldyń naýryz aıynda beriledi. Al 2-3-kezeńderi 2015-2017 jyldary aıaqtalady.

«Birinshi kezek qalany qazirgi halyqaralyq áýejaımen baılanystyrady, ol jolda EHRO alańyn, Ábý Dabı Plaza ǵımaratyn basyp ótip, bolashaqta jańa halyqaralyq temirjol vokzaly salynatyn jerge baryp tireledi», - dedi Q.Sultanbekov. Aıta keteıik, BRT-jobanyń jalpy quny 95 mlrd. teńgege baǵalanyp otyr.