Astanada arnaıy áleýmettik qyzmetter kórsetý bólimi qabyldaý júrgizip jatyr
ASTANA. 2 tamyz. QazAqparat - Astana qalasy Esil aýdany ákiminiń apparaty janyndaǵy múgedekterge, qarttarǵa (jalǵyzbasty qarttarǵa),
psıhonevrologııalyq aýytqýshylyqtary bar jáne tirek-qımyl apparattary buzylǵan múgedek balalarǵa úıde arnaıy áleýmettik qyzmet kórsetý bólimi qabyldaý júrgizip jatyr, dep habarlady aýdan ákimdiginen.
Bólim jumysynyń maqsaty men mindeti - múgedek balalardyń jetilip-damýyna yqpal etý jáne saýyqtyrý, sondaı-aq qarttar men múgedekterdiń ómir sapasyn jaqsartý.
Eske salaıyq, bólim 2013 jyly qańtar aıynda ashyldy. Ol ózgelerdiń kómegine muqtaj jalǵyzbasty múgedekterge jáne zeınetkerlerge, 1,5-18 jas aralyǵyndaǵy múgedek balalarǵa úıde arnaıy qyzmet kórsetedi.
