Astanada «Armysyń, áz Naýryz» merekelik kontserti ótti
ASTANA. QazAqparat - Búgin Astanada «Armysyń, áz Naýryz» kóktemgi merekelik kontsert ótti. Eriktiler qazaqtyń ulttyq oıyndaryna qatysyp, dástúrli merekelik dámnen aýyz tıip, sondaı-aq, qazaqstandyq estrada juldyzdarynyń qatysýymen ótken merekelik baǵdarlamany tamashalady, dep habarlady astana.gov.kz.
Dýmandy mereke Q.Qýanyshbaev atyndaǵy qazaq mýzykalyq drama teatrynyń aldynda boldy. «Armysyń, áz Naýryz!» kontserti - bıylǵy Naýryz meıramyn toılaýdyń bastaýy. Sharany uıymdastyrýshy - Astana qalasynyń Tilderdi damytý basqarmasy. Kontserttiń birinshi bólimi teatr aldyndaǵy alańda ótti, kıiz úıler tigilip, qonaqtar dastarhannan dám tatty. Kıiz úı mańynda bozbalalar men boıjetkender altybaqan teýip, oıyn-saýyq qurdy. Qonaqtar ulttyq sport túrlerinde kúsh synasty. Halyq aspaptarynda oryndaýshylardyń mýzykalyq ujymdary qonaqtardyń kóńilin kóterip, mańaıdy án men kúıge bóledi. Merekelik sharanyń ekinshi bóliminde Q. Qýanyshbaev atyndaǵy qazaq mýzykalyq drama teatrynyń sahnasynda dástúrli halyq mýzykasyn oryndaýshylar, qazaqstandyq estrada juldyzdary men teatr ártisteri óner kórsetti. Uıymdastyrýshylardyń aıtýynsha, sharanyń negizgi maqsaty - ana tilin dáripteý, halqymyzdyń erekshe mádenıetin, salt-dástúri men ádet-ǵurpyn tanystyrý.
