Astanada «Arlan» sarbazdary oqýshylardy óz-ózin qorǵaýǵa úıretýde
ASTANA. 11 aqpan. QazAqparat - Búgin Astanada №60 ortasha mektepte óz-ózin qorǵaý ádisterin úıretetin arnaıy trenıng ótti.
«Bul trenıngter mektep oqýshylaryna ekstremaldy jaǵdaılarda ózin-ózi qorǵaý daǵdylaryn ıgerýge baǵyttalǵan. Osyǵan oraı biz qalalyq bilim basqarmasymen birigip, №60 orta mektepte alǵash ret osyndaı sabaq ótkizip otyrmyz. Bolashaqta atalmysh trenıngterdi elordadaǵy barlyq mektepterde ótkizý josparlanýda», - deıdi Astana qalalyq ІІD ákimshilik polıtsııa bóliminiń bastyǵy Quralaı Qarına.
Q.Qarınanyń atap ótkenindeı, 2012 jyly kámelettik jasqa tolmaǵandarǵa qatysty 400-den astam qylmys tirkeldi. Onyń 59-y qala mektepterinde, 200-i qoǵamdyq oryndarda jasalǵan. Olardyń deni paıdaqorlyq, zorlyq-zombylyq maqsattaǵy qylmystar.
«Sondyqtan biz balalardy ózin-ózi qorǵaý ádisterine baýlýdy sheshtik. Búgin biz trenıngte «Arlan» arnaıy maqsattaǵy jasaǵynyń sarbazdarymen birge ekstremaldy jaǵdaılarda qoldanýǵa bolatyn birneshe ádis-tásilder kórsetemiz. Sonymen qatar ekstremaldy sátterde ózin-ózi qalaı ustaý qajettigin de úıretemiz. Bul bir rettik aktsııa emes, keıin muny dástúrge aınaldyryp, mektepterde deneshynyqtyrý sabaqtary kezinde ótkizip turatyn bolamyz», - dedi Q.Qarına.
