Astanada Arqar kópirinde kólik qozǵalysy tórt kúnge ishinara shekteledi
ASTANA. KAZINFORM – Astanada 25-29 tamyz aralyǵynda Arqar kópiri (M1) arqyly avtokólik qozǵalysy ishinara shekteledi, dep habarlaıdy elorda ákimdigi.
Astana qalasynyń Kólik jáne jol-kólik ınfraqurylymyn damytý basqarmasynyń málimetinshe, shekteý kópirdegi deformatsııalyq tigisti jóndeý jumystaryna baılanysty engiziledi.
– Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady, – delingen habarlamada.
Qala turǵyndary men qonaqtaryna jolǵa shyǵar aldynda qozǵalys baǵytyn aldyn ala josparlap, engizilgen ýaqytsha shekteýlerdi eskerý usynyldy.
Aıta keteıik, «Astana – Qaraǵandy – Almaty» avtojoly ýchaskesinde qozǵalysqa shekteý engiziledi.
