Astanada arhıvtik jobaǵa baıqaý jarııalandy
TANA. QazAqparat - Astanada arhıv ǵımaratyn tıimdi paıdalaný ıdeıasyna arnalǵan jobaǵa baıqaý jarııalandy. Bul týraly Astana qalasy Tilderdi damytý jáne arhıv isi basqarmasy basshysynyń orynbasary Sáken Esirkep málim etti, dep habarlaıdy QazAqparat.
«Astana qalasy arxıvin zamanaýı úlgide jetildirý jumystary bastalyp ketti. Aldaǵy eki jylda arxıvte jınaqtalǵan mıllıondaǵan qujattar skanerlenip, tolyq elektrondy formatqa aýysady. Qujattar jurtshylyqqa qoljetimdi bola túsedi», - dep jazdy basqarma basshysynyń orynbasary óziniń Feısbýk paraqshasynda.
Onyń aıtýynsha, búginde arxıv qujattaryn keń qoldanysqa engizý úshin ǵylymı ınstıtýttarmen, oqý oryndarymen baılanys nyǵaıtylýda.
«Qazir arxıv ǵımaratynyń 85 sharshy metrlik bólmesin tıimdi paıdalaný boıynsha ıdeıalar qabyldanyp jatyr. Búgin osy másele boıynsha birneshe jobany qaradyq. Biraq usynystar ashylmaǵan, tym qarapaıym bolǵasyn qabyldamadyq. Negizgi oı - arxıvtiń bir bólmesin azamattarǵa qyzyqty, paıdaly orynǵa aınaldyrý. Ǵylymı-tanymdyq sharalar uıymdastyratyn, suxbattasatyn, ıntellektýaldyq orta qalyptastyratyn nemese balalar barýǵa qumartatyn t.b. qosymsha usynystar qajet», - deıdi S.Esirkep.
Eń úzdik joba ıesine syıaqy retinde 200 myń teńge beriledi. Baıqaýǵa qatysty basqa da aqparatty 8775 094 4276, 8701 322 2555 uıaly telefondary arqyly bilýge bolady.
