Astanada ardagerlerge shuǵyl kómek shaqyratyn arnaıy uıaly telefondar taratyla bastady
Júıeniń ózi statsıonarlyq jáne uıaly qurylǵylardy qosady, oǵan shuǵyl kómekke shaqyratyn «shuǵyl túıme» ornatylǵan», - delingen qordyń taratqan habarlamasynda.
29 qańtar, beısenbi kúni Astana qalasy «Ómir Joly» qoǵamdyq qory «Ómir túımelerin» QR Ardagerleri uıymynyń Ortalyq keńesine berýge kirisedi, odan keıin olardy ardagerlerdiń qalalyq keńesterine jóneltedi. Elordada turyp jatqan Uly Otan soǵysynyń barlyq 229 ardageri ózderiniń uıaly qurylǵylaryn aldaǵy eki apta ishinde alady dep kútilýde.
«Ómir Joly» qorynyń atqarýshy dırektory Ernar Nurbekovtiń aıtýynsha, kelesi kezekte Qaraǵandy qalasy men Qaraǵandy oblysy tur.
«Bul oblysta 376 ardagerge arnaıy uıaly telefon beriledi. 30 sáýirge deıin biz barlyq 5083 soǵys ardagerin «Ómir Joly» júıesine qosýdy aıaqtaımyz». «Ómir túımesi» - qoldanýy jeńil qurylǵy. Onyń devaısy uıaly telefon sııaqty, onyń artynda «SOS» túımesi ornalasqan. Ony basqanda ardager kómek ortalyǵyna belgi jibere alady. Úsh sekýnd boıy operatordyń aldynda abonenttiń jeke kartasy shyǵady, onda onyń aýrýlarynyń barlyq belgileri jazylǵan. Qurylǵy dybysy qatty baılanys jáne mıkrofonmen jabdyqtalǵan. Operator naqtylaıtyn suraqtar qoıyp, abonentpen tildese alady. Eger adamnyń hali múldem múshkil bolyp, sóılesýge shamasy kelmese, operator dereý «jedel járdem» shaqyrady. Ary qaraı operator ardagerge qajetti kómek kórsete alatyn barlyq týystaryna nemese jaqyndaryna habar taratady», - dep atap ótti ol.
Jumys QR Ardagerleri uıymymen, «Eýrazııalyq medıa forým» halyqaralyq qorymen, «Ómir Joly» qoǵamdyq qorymen, «Beeline» baılanys operatorymen jáne basqa da seriktes-uıymdarmen birge júrgiziledi.
«Osy áleýmettik jobany júzege asyrǵanda ardagerlerge kómek bir márte ǵana emes, keshendi jáne júıeli túrde jasalatynyna nazar aýdarý kerek. UOS ardagerleriniń barlyq qajettilikterin óteýge tyrysamyz», deıdi «Eýrazııalyq medıa forýmnyń» bas dırektory Rýslan Jemkov.
