Astanada ardagerlerdiń qatysýymen sport kúnin atap ótti
ASTANA. QazAqparat - Búgin Astana qalasynda Qazaqstan Respýblıkasy Ulttyq Olımpıada komıtetiniń uıymdastyrýymen Sport kúnine oraı ardagerlerdiń qatysýymen saltanatty shara ótti, dep habarlaıdy QazAqparat tilshisi.
Tamyz aıynyń úshinshi jeksenbisi elimizde Sport kúni bolyp belgilengen. Osyǵan oraı búgin QR Ulttyq Olımpıada komıteti Astanadaǵy «Komfort» qonaq úıinde sport ardagerlerine qurmet kórsetip, aldaryna aq dastarhan jaıdy.
Atalǵan sharada QR Ulttyq Olımpıada komıtetiniń bas dırektory Serik Qasqabasov sport ardagerlerin merekesimen quttyqtaı kele: «Búgingi Táýelsiz Qazaqstannyń chempıondary men júldegerleri sizder salǵan sara joldy jalǵastyryp kele jatyr. Sizderdiń esimderińiz máńgi el esinde qaldy. Qazaq sportynyń tarıhy sizderdiń esimderińizben tikeleı baılanysty», - dep atap ótti. Sondaı-aq, QR Ulttyq Olımpıada komıtetiniń tóraǵasy Tımýr Qulybaevtyń alǵys hatyn oqyp berdi.
Saltanatty sharaǵa A. Tuıaqov, Q. Ordabaev, S. Drıýtov, J. Jumabekov, R. Asýbaev, T. Toıshybekov bastaǵan belgili tulǵalar men tanymal bapkerler, sportshylar jáne sport jýrnalısteri qatysty.
