Astanada ardagerler Uly Otan soǵysynda qaza tapqan batyrlardy eske aldy

ASTANA. 7 mamyr. QazAqparat - Búgin Astanada «Kóktal» turǵyn alabynda Uly Otan soǵysynda erlikpen kóz jumǵan batyrlarǵa qoıylǵan memorıaldyq barelef janynda Uly Jeńis kúnine arnalǵan «Qurbandardy qurmetpen eske alaıyq» saltanatty is-sharasy ótti.

Uly Otan soǵysynyń ardagerleri men tyl eńbekkerleri, «Kóktal» kentiniń turǵyndary, elordalyq mektep oqýshylary, Saryarqa aýdany ákimdiginiń qyzmetkerleri men «Naz» Memlekettik teatrynyń ujymy maıdannan oralmaǵan jaýyngerlerdi bir mınýt únsizdikpen eske aldy.

Uly Otan soǵysy ardagerlerine teńestirilgen tyl eńbekkeri Ekaterına Nebesnaıa astana.kz saıtyna Jeńistiń qıyndyqpen berilgendigi týraly aıta kele: «Soǵys bastalǵanda men mektep bitirip jattym. Qatarlastarymyzdy maıdanǵa shyǵaryp salyp, olardyń elge aman-esen oralýyn tiledik. Kópshiligi oralmady, maıdan dalasynda kóz jumdy. Árbir otbasy bir adamyn joǵaltty. Sondyqtan mundaı qasirettiń endi betin aýlaq qylsyn», - dep atap ótti.