Astanada árbir ekinshi jumyssyz eńbekpen qamtylyp jatyr - Jumyspen qamtý ortalyǵy
ASTANA. QazAqparat - Astanada Jumyspen qamtý ortalyǵyna júgingen árbir ekinshi jumyssyz eńbekpen qamtylyp jatyr. Bul týraly búgin Ortalyq kommýnıkatsııalar qyzmetindegi baspasóz máslıhatynda elorda ákimdiginiń jumyspen qamtý ortalyǵynyń dırektory Oljas Omarov málim etti.
«Jyl basynan bergi 10 aıda bizge 10 myńǵa jýyq adam kelip, 4,5 myńyn jumysqa ornalastyrdyq. ıAǵnı, bizge jolyqqan árbir ekinshisi adam jumyspen qamtyldy», - dedi ol.
O. Omarovtyń sózine qaraǵanda, eger de qandaı da bir sebeptermen jumysqa ornalasý múmkin bolmaı jatsa, onda qaıta daıarlaý kýrstary usynylady. Osy oraıda aǵymdaǵy jyly 627 adam qaıta daıarlaýdan ótken.
Sonymen qatar jastarǵa, ortasha arnaıy, joǵary oqý oryndarynyń túlekteri úshin eńbegi tólenetin jastar tájirıbesinen ótý usynylady. Bıyl 585 adam jastar tájirıbesine jiberildi. Atap aıtqanda, memleket aıyna 40 myń teńge tóleıdi.
Budan bólek O. Omarov halyqtyń maqsatty toptary úshin áleýmettik jumys oryndaryna jumysqa ornalasýdyń arnaıy baǵdarlamasy bar ekenin eske salyp ótti.
Munymen qosa, jumyssyzdar ýaqytsha jumys oryndaryna jiberiledi, ıaǵnı eńbekaqysy tólenetin qoǵamdyq jumystarmen qamtylady. Bıyl 1700 adam osyndaı jerlerge baǵyttaldy.
«Oqýdaǵy jastarǵa, stýdentterge arnalǵan tıisti shara bar. Oqýdan bos ýaqytynda olar qosymsha tabys taba alady. 1,5 myńǵa jýyq stýdent osy sharamen qamtyldy. Sonymen birge ortalyq bos jumys oryndary jármeńkelerin ótkizedi. Bıyl 12 jármeńke uıymdastyryldy», - dedi ol.
