Astanada Arbat ashylady
ASTANA. QazAqparat - Erteń, maýsymnyń 4-i kúni atalǵan jobanyń avtory Araı Ordabaeva barlyq sheberlerdi jınap, beıresmı túrde kezdesýdi josparlap otyr. Sol jerde ol maýsymnyń 11-i kúni resmı túrde ashylatyn Arbattyń barlyq tehnıkalyq máselelerin talqylaýdy kózdeıdi, dep habarlaıdy QazAqparat tilshisi.
«Iá, erteń biz qolóner sheberleri, sýretshiler, ártister, aqyndar jáne taǵy basqa shyǵarmashyl adamdardy jınap, resmı ashylýǵa daıyndyqty pysyqtaýdy josparlap otyrmyz. Sosyn olar Arbattyń ornyn kórip alsyn deımin. Ol jerdi taǵy qalaı kórkeıte alamyz, neni qosý qajet, kim qandaı ıdeıalardy qosady, sonyń bárin talqylaımyz», - dedi #HOChÝARBATqozǵalysynyń bastamashysy Araı Ordabaeva QazAqparat tilshisine bergen suhbatynda.
Onyń aıtýynsha, astanalyq Arbat Mahambet Ótemisuly atyndaǵy Oqýshylar saraıy (Esil ózenine jaqyn- avt.) aldyndaǵy jaıaý joldyń boıynda ashylady. Sol jerde kıiz úıler tigilip, sheberlik synyptary da uıymdastyrylatyn bolady. «Al 11 maýsym kúni keshki saǵat20:00-de Astanadaǵy Arbattyń resmı ashylýy bolady. EKSPO-nyń ashylýynan keıinhalyq sál bosap, Esil ózenine qaraı yǵysady dep oılaımyz. Sosyn Arbattyń boıymen biz túrli-tústi shamdardan juldyzdy aspandy istep qoıdyq. Sol sebepti ashylý rásimin keshki ýaqytqa josparlap otyrmyz», - dep atap kórsetti A. Ordabaeva.
