Astanada ár jyldary qyzmet atqarǵan, boryshtaryn ótep júrip qaza tapqan kóliktegi ІІD-niń qyzmetkerlerin eske aldy
ASTANA. 25 qarasha. QazAqparat /Murat Jákeev/ - Astanada ár jyldary qyzmet atqarǵan, qyzmettik boryshtaryn ótep júrip qaza tapqan kóliktegi ІІD-niń qyzmetkerleri qurmetine salynǵan eskertkishtiń ashylýy ótti.
Baspasóz qyzmetiniń taratylǵan habarlamasynda atap kórsetilgendeı, kóliktegi ishki ister organdarynyń paıda bolǵan kezinen bastap qyzmettik boryshtaryn óteý kezinde 10 qyzmetker qaza tapqan. Mundaı oqıǵa alǵash ret 1947 jyly bolǵan: qoǵamdyq tártipti kúzetý kezinde qaraqshylar qolynan Roman Voloshenko qaza tapty. Sońǵy oqıǵa 2008 jyldyń 10 tamyzynda bolǵan. Tún ortasynda kórshi úıden kómekke shaqyryp jatqan daýysty estigen Shý stansasynyń polıtsııa qyzmetkeri aǵa serjant Rahat Amantaev oqıǵa ornyna júgirip, pyshaqtyń astyna túsip kóz jumdy.
Qaza tapqan erlerdiń qurmetine Astana qalasy kóliktegi Ortalyq ІІD-niń ǵımaratynda memorıal ashyldy.
