Astanada ár jerge qoqys tastap ketetin 1,7 myń adamǵa aıyppul salyndy
ASTANA. QazAqparat - Astanada stıhııalyq qoqystardy joıý jáne ruqsat etilmegen jerge qoqys tógetinderdi jaýapkershilikke tartý boıynsha belsendi jumys júrip jatyr, dep habarlaıdy QazAqparat elorda ákimdigine silteme jasap.
Bıyl qalada 56 stıhııalyq oryn joıyldy. Ruqsat etilmegen oryndardan 47 myń tonnadan astam qoqys shyǵaryldy.
Jergilikti polıtsııamen birlesip, quqyq buzýshylardy anyqtaý boıynsha turaqty reıd júrip jatyr.
Osylaısha, jyl basynan beri 1700-den astam quqyq buzýshy ákimshilik jaýapkershilikke tartyldy.
Onyń ishinde 134 qurylys kompanııasy men 89 qyzmet kórsetý uıymy bar.
Qoqysty jınaý úshin ekopolıgonǵa jaqyn aýmaq belgilendi. Onda qaldyqtardy ýaqytsha alańǵa qabyldaý jumysy júrgizilip jatyr.
Aýdan ákimdikteri munda 3600 tonnadan astam qoqys jetkizdi.
Búgingi kúni elordada jumys isteıtin qurylys kompanııalarynyń bárine qurylys qaldyqtaryn «Soltústik jotaǵa» jáne QTQ polıgonyna jetkizý, qurylys alańdary aýmaǵynda qoqysty bólek jınaýǵa arnalǵan konteıner ornatý jáne onda ekologııalyq kodeks talaptarynyń saqtalýyna qatysty habarlama jiberildi.
