Astanada «AQMOL» saýda jelisi ashylady
KÓKShETAÝ. QazAqparat - Aqmolalyqtar elordada jańa saýda núktelerin ashý arqyly turǵyndardyń aýyl sharýashylyǵy taýarlaryna qoljetimdiligin arttyrmaq.
Atalǵan shara Elbasy Nursultan Nazarbaevtyń «Astana qalasy aınalasyndaǵy azyq-túlik beldeýi» baǵdarlamasyn júzege asyrý sheńberinde qolǵa alynyp otyr, dep habarlaıdy QazAqparat tilshisi.
Oblys əkiminiń baspasóz qyzmetindegiler bergen málimetterge qaraǵanda jobany 2 kezeń boıynsha júzege asyrý qarastyrylǵan.
«Bıylǵy jyly Aqmola oblysynyń brend taýarlary Astanadaǵy úsh saýda ornynda satylatyn bolady. Keler jyly kóterme jəne bólshek saýda núkteleriniń sanyn 10-ǵa jetkizý kózdelgen», - dedi «Esil ƏKK» UK» AQ Basqarma tóraǵasy Qazbek Eskendirov.
Astanda alǵashqy «AQMOL» saýda núktesin aǵymdaǵy jyldyń qarasha aıynda R.Qoshqarbaev dańǵylynda ashý josparlanǵan.
Mundaǵy ərbir saýda ornynyń kólemi 200-500 sharshy metr kóleminde bolady. Dúken sórelerin jergilikti ónimmen kamtamasyz etý úshin bólshek saýda ortalyǵy qurylady.
«Onda turǵyndar esh qospasyz sapaly ónim satyp ala alady», dedi Qazbek Eskendirov.
Osy maqsatta «AQMOL» saýda úıi» JShS quryldy. Oǵan «Rodına» Agrofırmasy»JShS, «Ijevskıı» ÓK, Astana Agro Prodýkt» JShS, CAPITAL PROJECTS LTD» JShS, «Gormolzavod» JShS, «Aına» Saýda úı» JShS tərizdi sút jəne sút ónimderin óndiretin óńirdegi kəsiporyndar kiredi.
«Aldaǵy ýaqytta taýar óndirýshiler qatary artatyn bolady. Ózimizdiń saýda jelisin qurý astanalyqtarǵa sapaly əri arzan baǵamen ónim jetkizýge múmkindik beredi", dep sózin túıindedi Qazbek Eskendirov.
