Astanada «Aq meshit» meshiti ashyldy
«Aq meshit» meshitiniń ashylý saltanatyna arnalǵan ıgi sharaǵa Qazaqstan musylmandary dinı basqarmasynyń tóraǵasy Serikbaı qajy Oraz qatysyp, jańadan ashylǵan meshit rýhanı ortalyq bola otyryp Elordanyń sáýlettik kelbetin asha túskenin aıtty.
Onyń aıtýynsha, meshit musylmandardyń minájat orny bolýmen qatar, beıbitshilik pen kelisim jáne qazaq eliniń tarıhyn, salt-dástúrin oqý ortalyǵy sondaı-aq, ultaralyq jáne konfessııaaralyq kelisimdi nyǵaıtý alańy bolady.
Jańadan ashylǵan «Aq meshit» meshitiniń ǵımaraty tolyǵymen aq mármármen kómkerilgen.
Qurylystyń biregeıligi munaralardyń sanynda. Meshitterde dástúr boıynsha tórt munara bolady. Arhıtektorlardyń syzbasy boıynsha jańa meshitte eki munara bar. Biraq, úsh túrli stıldegi sektsııalardan turady.
«Aq meshitte» bir mezette 1200 adam qulshylyǵyn óteı alady. Meshit janynda salynǵan medrese 75 adamǵa arnalǵan. Meshitte erler men áıelder arnalǵan namaz zaly, neke qııý bólmesi, májilis zaly, Quran oqýǵa arnalǵan bólme, meıramhana jáne máıithana bar.
Medresede sabaq ótetin 9 aýdıtorııa, oqýshylar men oqytýshylardyń turýyna arnalǵan 28 bólme bar.
Sonymen qatar, munda kitaphana, jattyǵý zaly, jeke ashana, medıtsınalyq pýnkt, shashtaraz jáne kıim jýý bólmesi bar. Medreseni ashýdaǵy maqsat - rýhanı tárbıe berý.
