Astanada apta sońy jańbyrly bolady
ASTANA. 25 qyrkúıek. QazAqparat - Astanada osy aptada kóshpeli bult shyǵyp, jańbyr jaýady. Jumys aptasynyń sońynda kún jyly, biraq jaýyn-shashyndy bolady.
Túnde aýa temperatýrasy +8+13°C, kúndiz +12+25°C-ty quraıdy. Bul týraly astana.kz saıtyna «Qazgıdromet» RMK habarlady. «Sársenbi kúni Astanada kóshpeli bult shyǵady, kúndiz ótkinshi jańbyr jaýady. Ońtústik-shyǵystan 9-14 m/s jel soǵady, kúndiz ekpini 18 m/s jetedi. Aýa temperatýrasy túnde +11+13°C, kúndiz +23+25°C bolady», - dep habarlady astana.kz saıtyna Qazgıdrometten. Al apta sońynda (beısenbi kúni) kún bultty, azdap jańbyr jaýady. Batystan 9-14 m/s jel soǵady, kúndiz ekpini 18 m/s jetedi. Aýa temperatýrasy túnde +8+10°C, kúndiz +19+21°C bolady. Juma kúni sınoptıkterdiń boljamynsha kún ala bultty bolyp, ótkinshi jańbyr jaýady. Batystan 9-14 m/s jel soǵady, ekpini 15-20 m/s jetedi. Aýa temperatýrasy túnde +8+10°C, kúndiz +12+14°C-ty quraıdy.
