Astanada apellıatsııalyq sot «Kerýen» SOO janynda atys uıymdastyrǵan kıllerlerge úkim shyǵardy
ASTANA. QazAqparat - Apellıatsııalyq alqa «Kerýen» OSO janyndaǵy atys týraly is boıynsha úkim shyǵardy, dep habarlady Astana qalasy sotynyń baspasóz qyzmeti.
Eske sala keteıik, 2015 jylǵy 4 qarashada Astana qalasynyń qylmystyq ister jónindegi mamandandyrylǵan aýdanaralyq soty M.Sadyrovqa, K.Úbishevke, I.Dáýitovke qatysty aıyptaý úkimin shyǵarǵan bolatyn. Olar QR QK 3-bóliminiń 24-baby, 2-bóliminiń 96-babynyń a, j, z tarmaqtary boıynsha (jeke basy múddesi maqsatynda uıymdasqan toptyń aldyn ala kelisimimen eki nemese odan kóp adamdardy óltirýge qastandyq, sondaı-aq kisi jaldaýǵa teń) qylmys jasaýǵa aıypty dep tanyldy.
Qylmysty uıymdastyrýshy M.Sadyrovqa 14 jylǵa, oryndaýshylar K.Úbishev pen I.Dáýitovke 13 jyldan bas bostandyǵynan aıyrýǵa, jazasyn qatań rejımdegi kolonııada óteýge úkim shaǵaryldy.
Qylmysqa tapsyrys berýshige qatysty qylmystyq is aldyn ala tergeý barysynda bólek óndiriske alynyp, oǵan izdeý jarııalandy.
2015 jylǵy 22 jeltoqsanda Astana qalasy sotynyń qylmystyq ister jónindegi apellıatsııalyq alqasy sot úkimin ózgerissiz qaldyrdy, qorǵaýshylar men sottalýshylar tarapynan berilgen apellıatsııalyq shaǵym qanaǵattandyrylǵan joq.
Joǵary ınstantsııanyń pikirinshe, sottyń zerttelgen aıǵaqtar jıyntyǵyn eskerip, sottalýshylardyń aıyby dáleldenýi týraly qorytyndylary negizdi.
Úkim 2015 jylǵy 22 jeltoqsanda zańdy kúshine endi.
