Astanada apatty jaǵdaıda turǵan 11 úıdiń turǵyndary jeltoqsanda jańa baspanaǵa kiretin bolady
ASTANA. 22 qazan. QazAqparat - Aǵymdaǵy jyldyń sońynda apatty jaǵdaıda turǵan 11 úıdiń turǵyndary jańa baspanaǵa kiretin bolady. Bul týraly Mınıstrler kabınetiniń búgingi otyrysynda Astana qalasy ákiminiń birinshi orynbasary Sergeı Horoshýn málim etti.
«Dál qazir elordada 6 turǵyn úı salynyp jatyr. Onda barlyǵy 1,5 myń páter bar. Aǵymdaǵy jyly biz 4 nysandy paıdalanýǵa berýdi kózdep otyrmyz. Sóıtip, 15 jeltoqsanǵa deıin apatty jaǵdaıda turǵan 11 kóppáterli úıdiń turǵyndary jańa baspanaǵa kóshiriletin bolady», - dep atap kórsetti S.Horoshýn. Onyń aıtýynsha, búginde taǵy 5,5 myń páteri bar 5 jańa turǵyn úıdiń jobalyq-smetalyq qujattary ázirlenip jatyr.
Aıta keteıik, apatty jaǵdaıda turǵan úılerdiń turǵyndaryn jańa baspanamen qamtamasyz etý bastamasy Astanada qanatqaqty joba retinde iske asyp jatyr.
