Astanada apatty úılerdiń ornyna gúl baǵy salynady
ASTANA. QazAqparat - Kelesi jyly súrilgen apatty jáne tozyǵy jetken úılerdiń ornyna 14 gúl baǵy men jelekjol (býlvar) salynady, dep habarlady elorda ákimdiginiń medıa ortalyǵy .
Bul týraly aýa tazalyǵy boıynsha ótken brıfıngte tabıǵı resýrstar jáne tabıǵat paıdalanýdy retteý basqarmasynyń basshysy Musa Tanabaev málimdedi.
Bıyl Astanada 30 myńnan asa aǵash otyrǵyzyldy.
«Osy jyly qalanyń ońtústik-batys bóligi men Taldykól sý qory, áýejaı jaqqa qaraı bolashaqta ormanǵa aınalatyn jasyl jelekter otyrǵyzyldy», - dedi M.Tanabaev.
Qazirgi tańda elordada 10 saıabaq, 4 býlvar, 95 gúl baǵy (skver) bar. Onyń beseýi 2017 jyly ashyldy.
Kelesi jyly 14 gúl baǵy men jelekjol bas qalanyń sánin asha túspek.
«Osy aıtylǵan saıabaqtyń kóbisi qalalyqtardyń ótinishi boıynsha súrilgen úılerdiń ornyna salynatyn bolady», - dedi basqarma basshysy.
