Astanada apatty jaǵdaıda dep tanylǵan mektep súriledi: Balalar qaıda oqıdy

ASTANA. KAZINFORM — Astanada № 15 mektep-lıtseıdiń ǵımaraty súriledi. 1700-den astam oqýshy basqa oqý oryndaryna jiberildi, dep habarlady elordanyń bilim basqarmasy.

Saryarqa dańǵyly, 48/1 mekenjaıynda ornalasqan № 15 mektep-lıtseıiniń 60 jyldyq tarıhy bar. 

Ǵımarattyń tehnıkalyq jaǵdaıy ári qaraı paıdalanýǵa jaramsyz dep tanyldy. Sóıtip mektepti buzý jóninde sheshim qabyldanǵan.

1709 oqýshy ázirge № 56 mektep-lıtseıinde (1-4 synyptar) jáne daryndy balalarǵa arnalǵan № 9 «Zerde» mektebiniń eski ǵımaratynda (5-11 synyptar) bilim alady. 

«Zerde» mektebi apatty jaǵdaıda emes, balalar mektep avtobýsymen tasymaldanady», — dep habarlady bilim basqarmasynan.

Olar buzylǵan mekteptiń ornyna jańasyn salýdy josparlap otyr. Bilim basqarmasy qurylys protsesin qadaǵalaımyz dep ýáde berdi. 

Eske sala keteıik, 2018 jyly elordadaǵy kóne №8 mekteptiń ǵımaraty da osylaı apatty dep tanylyp, balalar birneshe jyl ártúrli bilim ordasyna sandalyp oqýǵa májbúr bolǵan.

Mektep ǵımaraty buzylǵanymen onyń ornyna kópqabatty turǵyn úı salynatyny habarlandy. Al jańa mektepti ákimdik múlde basqa aýdannan salyp berdi.