Astanada apatqa ushyraǵan Mı-17 tikushaǵynda qaza bolǵandardyń týystaryna ІІ dárejeli «Aıbyn» Ordenderi tabys etildi
ASTANA. 14 qyrkúıek. QazAqparat - Astanada 2012 jyldyń 22 tamyzynda apatqa ushyraǵan Mı-17 tikushaǵynda qaza bolǵan áskerı qyzmetshilerdiń týystaryna ІІ dárejeli «Aıbyn» Ordenderin tapsyrý rásimi ótti.
Bul týraly Qorǵanys mınıstrliginiń baspasóz qyzmetinen málim etti.
Qorqynyshty apat tórt áskerı qyzmetshiniń ómirin qıdy.
Qazaqstan Respýblıkasy Prezıdentiniń Jarlyǵymen áskerı jáne qyzmettik boryshtaryn atqarý kezinde kórsetken erligi men janqııarlyǵy úshin ushqyshtar ólgennen keıin memlekettik nagradalarmen marapattaldy. Qaza tapqan áskerı qyzmetshilerdiń otbasylaryna Ordendi Qazaqstan Respýblıkasy Qarýly kúshteri Áýe qorǵanysy kúshteriniń Bas qolbasshysy avıatsııa general-leıtenanty Aleksandr Sorokın tabys etti.
«Tikushaq ekıpajy osyndaı qıyn ushý jaǵdaıyna túskennen keıin de jaýapkershiliktiń joǵarǵy deńgeıimen tikushaqty kenetten tap bolǵan rejımnen shyǵarýǵa sońyna deıin kúresti. Olar osy dúnıeden batyr bolyp ketti, biz olardy máńgi esimizde saqtaımyz!», - dep atap ótti avıatsııa general-leıtenanty Aleksandr Sorokın.
