Astanada apat saldarynan jedel járdem kóligi órtendi
ASTANA. QazAqparat - Astanada jedel járdem kóligi jol-kólik oqıǵasy saldarynan otqa orandy, dep habarlaıdy «QazAqparat» HAA tilshisi Astana qalasy ІІD baspasóz qyzmeti.
Apat 24 sáýir kúni 20.00-de Aqan seri jáne N.Tilendıev kósheleriniń qıylysynda boldy.
«Dabyl sáýlesi bar jedel járdem kóligi Aqan seri kóshesinde kele jatqan. Tilendıev kóshesine burylarda, baǵdarshamda Toıota markaly avtokólikpen soqtyǵysqan. Saldarynan jedel járdem kóligi órtendi», - dep habarlady Astana ІІD.
Oqıǵa ornyna kelgen órt sóndirýshiler tilsiz jaýdy aýyzdyqtady. Zardap shekkender joq. Qazirgi ýaqytta polıtsııa qyzmetkerleri oqıǵanyń mán-jaıyn anyqtaýda.
