Astanada apat saldarynan kópqabatty 11 turǵyn úı sýsyz qaldy - TJM
ASTANA. Naýryzdyń 11-i. QazAqparat - Astanada bolǵan eki apattyń saldarynan kópqabatty 11 turǵyn úıdiń tutynýshylary birneshe saǵat boıy sýsyz otyrdy,
dep habarlady Tótenshe jaǵdaılar mınıstrliginen.
Eki oqıǵa da qalanyń Almaty aýdanynda oryn aldy. TJM-nyń aqparatyna sáıkes, naýryzdyń 10-y kúni tańerteńgi saǵat 06.15-te Molodejnyı shaǵynaýdanyndaǵy №44-shi úıdiń mańynda 200 mm dıametrde sý qubyry jarylǵan. Onyń saldarynan Táshenov, Balqash, Makın jáne Astrahan kósheleriniń turǵyndary sýsyz qaldy. Sý qubyry 16 saǵat 50 mınýtta qalpyna keltirildi.
Sondaı-aq osy kúni tańerteńgi saǵat 10.00-de Respýblıka dańǵyly boıynda taǵy bir sý qubyrynyń jarylýy boldy. Onyń dıametri 150 mm-di qurady. Kópqabatty 6 turǵyn úı kommýnaldyq qyzmetter apatty tolyǵymen joıǵanǵa deıin 10-saǵatqa jýyq sýsyz otyrdy.
