Astanada ańyzǵa aınalǵan Qorqyt atanyń muragerlerin anyqtady
ASTANA. 21 maýsym. QazAqparat - Astanada Qorqyt ata atyndaǵy halyqaralyq óner festıvali aıaqtaldy.
Qorqyt ata atyndaǵy festıval - «Astana - túrik áleminiń 2012 jylǵy mádenı elordasy» jylynyń aıasynda ótkizilip otyrǵan eń mańyzdy sharalardyń biri.
Festıval úsh atalym boıynsha ótti: qobyz, úrmeli jáne ishekti aspaptar. Úzdik atanǵan halyq oryndaýshylaryn qazylar alqasy Qazaqstan, Ázirbaıjan, Ózbekstan, Qyrǵyzstan jáne Qaraqalpaq elinen kelgen 60 qatysýshynyń ishinen tańdap aldy.
30 jas oryndaýshy bul baıqaýdyń júldegerleri boldy. Baıqaýdyń bas júldesin Qazaq ulttyq óner ýnıversıtetiniń birinshi kýrs stýdenti, Qorqyt atanyń jerlesi, qyzylordalyq Toqtar Aǵyraev jeńip aldy.
«Munda kúshti qarsylastar boldy. Árqaısysy qurmet pen jeńiske laıyqty. Biraq men Qorqyt ata oryndaǵan dala mýzykasyn erekshe sezinemin. Onyń maǵan jaqyn bolǵany jeńiske jetýime kómektesken bolar», - dep atap ótti QazAqparat tilshisine bergen suhbatynda T.Aǵyraev.
Árbir atalymdaǵy jeńimpazdarǵa aqshalaı syılyqtan basqa olardyń festıvaldaǵy óner kórsetýi jazylǵan kompakt dısk berildi.
