Astanada «Antıvırýs» spektakliniń tusaýkeseri boldy
ASTANA. 23 mamyr. QazAqparat /Kenjekeı Toqtamurat/ - Astananyń Q.Qýanyshbaev atyndaǵy qazaq mýzykalyq drama teatrynda dramatýrg E.Jýasbektiń «Antıvırýs» spektakliniń tusaýy kesildi. Spektakldiń qoıýshy rejısseri - Qazaqstannyń eńbek sińirgen qaıratkeri - Bolat Uzaqov.
Bul spektakl búgingi kúnniń tynys-tirshiligin sýretteıdi.
Spektakldegi oqıǵa jelisi kólikterge tehnıkalyq qyzmet kórsetý ortalyǵynda órbıdi. Ortalyqtyń menedjeri, aýyldan kelgen qarııa men qaltasy aqshaǵa toly baıdyń balasy bir jaǵdaıdy bastan keshiredi. Oryssha sóıleıtin álgi baı balasy aýyldan kelip, kúndipgi oqýynan keıin kólik jýyp, kún kórip júrgen stýdent qyzǵa ǵashyq bolady. Qoıylymnyń aqsaqal keıipkeri sol mańdaǵy dámhananyń meńgerýshisi, aýqatty áıelge kóńili ketedi. Al menedjer jigit ortalyqqa kóligin jóndetýge kelgen jumysbasty arýdy súıedi. Mundaǵy eń basty zańdylyq - adamdardyń bir-birine degen qarama -qaıshylyǵy. Qoıylymdaǵy basty keıipkerdiń biri qara jumys isteıtin ózbek azamaty kóńili keń qazaq dalasynda aqshany kúrektep tabýǵa bolatynyn tamasha kórsetken. Ortalyqta buryn jumysshy bolyp júrgen, keıin qazaqtyń azamattaryn qojaıyny qylyp alatyn ózge tórt qyz-kelinshektiń kelýimen spektakl jelisi qyza túsedi.
«Spektakl jalpy oıymdaǵydaı shyqty dep aıtýǵa bolady. Degenmen, kemshin túsip jatqan jerleri de bar. Sebebi óner tiri adam sııaqty, bul jerde akterlerdiń kóńil-kúıine, daıyndyǵyna kóp nárse baılanysty. Al jalpy alǵanda búgingi nátıjege rızamyn», - deıdi spektakldiń tusaýkeserinen keıin jýrnalıstermen suhbattasqan qoıylymnyń rejısseri B.Uzaqov.
