Astanada antıterrorıstik oqýlar ótedi
«Búgin, 5 tamyz kúni Astana q. burynǵy juqpaly aýrýhana aýmaǵynda, Kúmisbekov kóshesi, 5A mekenjaıynda terrorızm aktisiniń aldyn alý jáne onyń saldaryn joıý boıynsha antıterrorıstik oqýlar ótedi», - delingen habarlamada.
Sharanyń negizgi maqsaty terrorızmmen kúres boıynsha astanalyq jedel shtabtyń daıyndyǵy men berilgen tapsyrmany oryndaýdaǵy kúsh-qaýqaryn tekserý.
Oqýlar túrli kúrdeli elementteri bar shaıqas jaǵdaıyna barynsha jaqyndatylady.
Terrorızmmen kúres boıynsha astanalyq jedel shtab elorda turǵyndary men qonaqtaryn sabyr saqtaýǵa jáne dúrbeleńge salynbaýǵa shaqyrady.
Terrorızmmen kúres boıynsha astanalyq jedel shtab - antıterrorıstik operatsııalardy júrgizýge tartylǵan memlekettik organ kúshteri men quraldaryn jedel basqarýdyń turaqty jumys isteıtin organy.
