Astanada antıkvarlyq zergerlik buıymdar kórsetildi
ASTANA. 1 sáýir. QazAqparat - Astanalyq Altyn jáne baǵaly metaldar Memlekettik murajaıynda antıkvar zergerlik buıymdary men «Qazaq halqynyń kóne qolóner kórmesi» dekoratıvti-qoldanbaly óner zattarynyń kórmesi ashyldy,
dep habarlaıdy astana.kz saıty.
«Kórermender nazaryna zergerlik buıymdar men bas kıimder, er-toqym ábzelderi, kollektsıoner-etnograf E. Daýbaev jınaǵan XVIIІ men HH ǵasyrlarda qoldanǵan qazaq halqynyń kóne buıymdary qoıyldy», - dep málim etti kórmeni uıymdastyrýshylar.
Ekspozıtsııaǵa qoıylǵan barlyq zergerlik jáne dekoratıvtik-qoldanbaly óner zattary qazaq halqynyń tarıhy men mádenıetine, ulttyq ádet-ǵuryptaryna, myńdaǵan ǵasyrlar burynǵy turmystyq bolmysymen tyǵyz baılanysty jáne onyń damý kókjıekterin kórsetedi.
Sondaı-aq, atalǵan kórmede qazaq halqynyń qyzdary kıetin sáýkele túrki álemindegi teńdesi joq bas kıim bolyp tabylady. Ol boıjetken qyzdyń eń basty jasaýynyń biri retinde de sanalǵan. Anasynan qyzyna sáttiliktiń, aqyl men parasattyń nyshany túrinde berilip otyrǵan.
Bizdiń zamanymyzǵa jetken qazaq halqynyń baı mádenı murasy Táýelsiz Qazaqstan úshin tek baǵa jetpes qundylyqtar ǵana emes, tarıhı-mádenı tárbıelik máni zor jas urpaqqa rýhanı tárbıe berý quraldary bolyp ta sanalady.
«Qazaq halqynyń kóne qolóner kórmesi» dekoratıvti-qoldanbaly kórmesi Altyn jáne baǵaly metalldar Memlekettik murajaıynyń Kúmis zalynda 5 mamyrǵa deıin jalǵasatyn bolady.
