Astanada Antares qarjy pıramıdasyn qurǵandarǵa úkim shyqty

ASTANA. QazAqparat — Astananyń qylmystyq ister jónindegi aýdanaralyq soty Antares qarjy pıramıdasyn quryp, oǵan basshylyq etkenderge úkim shyǵardy, dep habarlaıdy QazAqparat tilshisi.

«Sot úkimimen B. jáne I. esimdi adamdar qarjy pıramıdasyn qurǵany úshin jáne oǵan basshylyq jasaǵany úshin kináli dep tanyldy (QR Qylmystyq kodeksiniń 217-baby 2-tarmaǵynyń 3-bóligi).

B. 6 jyl 6 aıǵa, al I. qarjy uıymdarynda basshylyq laýazymdardy atqarý quqyǵynan aıyryla otyryp, 5 jyl 6 aıǵa bas bostandyǵynan aıyryldy», - delingen qalalyq sot habarlamasynda.

Sot 2020 jyldyń mamyry men 2021 jyldyń shildesi aralyǵynda B. jáne I. basqa adamdarmen birge Antares qarjy pıramıdasyn qurǵanyn, basqarǵanyn sondaı-aq sottalýshylar jalpy somasy 200 mln teńgeden astam asa iri mólsherde turǵyndar qarajatyn tartqanyn anyqtady.

Іs boıynsha Qazaqstannyń túrli qalalarynyń 33 turǵyny jábirlenýshi dep tanyldy.

«Sottalǵandardyń kinási jábirlenýshiler men kýágerlerdiń aıǵaqtarymen, aýdıtorlyq esep pen saraptama qorytyndylarymen, sharttarmen jáne jábirlenýshilerdiń qarjy pıramıdasyna aqsha salǵanyn rastaıtyn basqa da qujattarmen dáleldendi», - dep qorytyndylady sot.