Astanada ánshi-sazger Roza Álqojanyń shyǵarmashylyq keshi ótedi
ASTANA. 30 mamyr. QazAqparat - Erteń, ıaǵnı 31 maýsymda saǵat 12:00-de Astanadaǵy Ulttyq akademııalyq kitaphanada ánshi-sazger Roza Álqojanyń ánderi men óleńder jınaǵynyń tusaýkeseri bolady. Bul týraly kitaphananyń baspasóz qyzmeti habarlap otyr.
«Rozanyń oryndaǵan árbir áni tyńdaýshy júreginen oryn alyp, ǵashyqtardyń sezim pernesin shertti. Onyń oryndaýyndaǵy «Men syıǵa tartqan oramal», «Іzdemeısiń», «Aqberen», «Ol kóktem oralmaıdy», «Myna ómir ǵajap qandaı», «Júrek nazy» ánderi árbir kórermen qosyla shyrqaıtyn ánge aınaldy», - delingen habarlamada.
Jastaıynan janyna óleńdi serik etip ósken Roza alǵashqy shyǵarmashylyq keshin týǵan ólkesi - Maqtaral óńirinde ótkizip, eldiń batasyn aldy. Sodan beri elimizdiń túkpir-túkpirine án sapar jasap, jany da, áni de jaryq nurlarǵa toly, názik júrek pen ásem daýystyń ıesi kóptiń kóńilinen shyǵyp keledi.
Shara 1-maýsym Halyqaralyq balalardy qorǵaý kúnine oraı uıymdastyrylyp otyr. Tek jańa ánderi ǵana shyrqalatyn keshten bir kún buryn «Qazaq tolqyny» stýdııasynan daıyndalyp shyqqan Rozanyń óz oryndaýyndaǵy jańa ánderiniń, avtorlyq ánderiniń, oblys ortalyqtarynda, Almaty qalasynda ótken án keshteriniń jáne óleńderiniń taspasynyń tusaýy kesilmek.
Aıta ketý kerek, tusaýkeser keshiniń qonaqtary: aıtysker aqyn Aınur Tursynbaeva, aqyn Baqytgúl Babash, jýrnalıst Aıdyn Qaba, vızajıst-stılıst Erjan Aıtqalı jáne taǵy basqalar.
