Astanada «Anna Karenına. Roman paraqtary» spektakliniń premerasy ótti
ACTANA. KAZINFORM - Qalıbek Qýanyshbaev atyndaǵy Qazaq ulttyq mýzykalyq drama teatrynda «Anna Karenına. Roman paraqtary» atty horeodramanyń premerasy ótti.
Mádenıet jáne aqparat mınıstrligi málimetinshe, spektakl álem ádebıetiniń jaýhary L.Tolstoıdyń «Anna Karenına» romanynyń negizinde sahnalanǵan. Spektakldiń janry – horeodrama.
Bul janr dramalyq áreketti qımyl-qozǵalys, plastıka jáne mýzykalyq sheshimder arqyly jetkizýge múmkindik beredi. Qoıylymda avtordyń adam bolmysy, qoǵam men jeke tulǵa arasyndaǵy qaıshylyqtar týraly tereń fılosofııalyq oılary zamanaýı sahna tilinde usynylady.
Basty rólderdi eki quramda teatrdyń tanymal ártisteri men jas akterler somdaıdy.
Sahnalyq nusqasynyń avtory ári qoıýshy rejısseri – Racha Mahataev, qazaq tiline aýdarǵan – Qymbat Elýbaeva.
Aıta keteıik, Astanada jasandy ıntellektiniń kómegimen jasalǵan alǵashqy spektakl qoıyldy.