Astanada anasymen birge júrgen 5 jasar bala qudyqqa túsip ketti
ASTANA. QazAqparat - Astanada qudyqqa túsip ketken bes jasar bala qutqaryldy, dep habarlaıdy QazAqparat tilshisi.
«15 aqpan kúni «112» pýltine saǵat 11:30 kezinde 2014 jyly týǵan bala Qarasaı batyr kóshesi boıyndaǵy qudyqqa túsip ketkendigi týraly habar kelip tústi. Búldirshin atalǵan jerde anasymen serýendep júrgen», - delingen TJ komıteti málimetinde.
Anyqtalǵandaı, qudyqtyń tereńdigi 2 metr bolǵan.
«Qutqarýshylar kelgenshe deıin balany №39 mekteptiń 10 synyp oqýshysy qudyqtan alyp shyqqan. Zardap shekken bala №2 qalalyq aýrýhanaǵa jetkizildi. Al mektep oqýshysyn qutqarýshylar úıine jetkizip saldy», - delingen habarlamada.
