Astanada analar kúni toılandy
ASTANA. KAZINFORM – Analar kúnine oraı elordalyq turǵyndar merekelik is-shara ótkizdi.
Solardyń biri «Madrıd» turǵyn úı kesheninde uıymdastyryldy. Merekelik baǵdarlama aıasynda atalǵan turǵyn úıdiń kishkentaı turǵyndary analaryna arnap erekshe syı jasady. Óz kezeginde analar balalarǵa súıikti taǵamdaryn ázirlep, dastarqan jaıdy.
«Ana bolý – keremet sezim. Aıaýly jandar bir qolymen besikti terbetse, bir qolymen álemdi terbetedi. Analar qaýymyn álem boıynsha toılanyp jatqan aıtýly merekemen quttyqtaımyn», - dedi kópbalaly ana, áje Baıan Taıjanova.
Aıta keteıik, Analar kúni elimizde mamyr aıynyń ekinshi jeksenbisinen bastap atap ótiledi.
Bul mereke ana bolýdyń mańyzdylyǵyn, analardy qurmetteýdi jáne olardyń qoǵamdaǵy rólin dáripteýge arnalǵan. Sondaı-aq osy baǵytta Neke jáne otbasy ınstıtýtyn nyǵaıtýǵa baǵyttalǵan birqatar is-shara josparlanǵan.
