Astanada ana men sábı óliminiń kórsetkishin tómendetý máseleleri talqylandy
Aǵymdaǵy jylǵy 2 maýsymda Astanada №9 qalalyq emhanada ıÝNISEF-pen QR DSÁDM Medıtsınalyq kómekti uıymdastyrý departamentiniń birlesken sharalary aıasynda ana men sábı óliminiń kórsetkishin tómendetý boıynsha Dúnıejúzilik densaýlyq saqtaý uıymy (ári qaraı - DDSU) usynǵan tıimdi tehnologııalardy engizý týraly otyrys ótti.
Sharaǵa Astana, Almaty qalalary, oblystyq densaýlyq saqtaý basqarmasy basshylarynyń bosandyrý men balalar máseleleri boıynsha orynbasarlary, tıimdi perınataldy jáne antenataldy kútim, bala jasyndaǵy aýrýlardy biriktirip júrgizý boıynsha aımaqtyq úılestirýshiler qatysty.
Jıynda analar men balalarǵa kórsetiletin medıtsınalyq kómektiń sapasyn arttyrý, aýrýlarǵa úı jaǵdaıynda medıtsınalyq qyzmet kórsetý qyzmeti men ana men sábı ólimin tómendetý boıynsha vedomstvoaralyq ózara árekettesý sharalaryn jetildirý máseleleri qarastyryldy.
Jıyndy qorytyndylaı kele, QR DSÁDM Medıtsınalyq kómekti uıymdastyrý departamenti dırektorynyń orynbasary Elmıra Ahmetova Astana, Almaty qalalary, oblystyq densaýlyq saqtaý basqarmasy basshylarynyń bosandyrý men balalar máseleleri boıynsha orynbasarlary, tıimdi perınataldy jáne antenataldy kútim, bala jasyndaǵy aýrýlardy biriktirip júrgizý boıynsha aımaqtyq úılestirýshilerge respýblıkadaǵy ana men sábı ólimi jaǵdaıyn turaqtandyrý úshin DDSU usynǵan tıimdi tehnologııalardy engizý boıynsha sharalardy qabyldaý kerektigin atap aıtty.