Astanada amerıkalyq shabadanyn joǵaltyp aldy

ASTANA. QazAqparat - Astanada shetel azamaty noýtbýgy men zattary bar shabadanyn joǵaltyp aldy, dep habarlaıdy «QazAqparat» HAA tilshisi Astana ІІD baspasóz qyzmetine silteme jasap.

Astana polıtsııasyna AQSh azamaty «Karıb elderi» pavılony komıssarynyń kómekshisi Sacha Michael Gui Teau kómek surap kelgen. Ol taksıdiń salonynda qyzmettik aqparattary bar noýtbýgi men kıimderi salynǵan jol shabadanyn umyt qaldyrǵanyn habarlady.

Bul fakti sotqa deıingi tergeý biryńǵaı tizilimine QR QK 188-baby 1-tarmaǵy boıynsha tirkelgen. Polıtsııa sheteldikti jetkizip salǵan avtomashına men júrgizýshini anyqtaǵan. Jeke zattary salynǵan shabadan AQSh azamatyna qaıtaryldy.

Sacha Michael Gui Teau men EKSPO-daǵy Gaıtı ýákiletti komıssary Mıssıs Gledıs Gıýto polıtseılerge rızashylyǵyn bildirip, ІІD basshylyǵyna alǵys hat joldady.