Astanada ambýlatorlyq naýqastardy dárimen qamtamasyz etýdiń ilki jobasy júzege asa bastady

Bul týraly búgin Astana qalasyndaǵy №4 emhanada ótken baspasóz máslıhaty barysynda Densaýlyq saqtaý mınıstrligi Medıtsınalyq jáne farmatsevtıkalyq qyzmetti baqylaý komıteti tóraǵasynyń orynbasary Larısa Pak málim etti.

Komıtet ókiliniń aıtýynsha, «Salamatty Qazaqstan» memlekettik baǵdarlamasy sheńberinde ambýlatorlyq dári-dármekpen qamtamasyz etý júıesin jetildirý jónindegi jumystar júrgizilýde. Osy baǵytta búgingi kúni  Astanada «Naýqastardy elektrondy tirkeý jáne ambýlatorlyq deńgeıde esepke alý» portalyn qurý barysynda baǵdarlamamen qamtamasyz etýdi satylap engizýdiń ilki jobasy júzege asýda.

«Bul júıe bir patsıenttiń birqatar emhanalardan óziniń aýrýyna baılanysty ártúrli nusqaýlyqtar alýyn boldyrmaýǵa jáne sol patsıenttiń bir aýrý túri boıynsha birneshe emhanalardan dári-dármekter men preparattar alýyn boldyrmaýǵa arnalady. Bul baǵdarlama boıynsha árbir dárigerdiń, sondaı-aq árbir patsıenttiń jeke kody belgilenedi. Osynyń arqasynda bir naýqasqa birneshe emhanadan dárilik preparattar alýyna jol berilmeıdi», - deıdi L.Pak. Onyń aıtýynsha, baǵdarlamany tıimdi tustary basym.