Astanada Ámbebap polıtseıler daıyndaý jumystary bastaldy
ASTANA. 29 maýsym. QazAqparat - Búgin, 29 shildede Astanada ámbebap qoǵamdyq tártip saqshysyn daıyndaý maqsatynda qyzmettik oqý-jattyǵý ótti.
Buǵan 100-den astam polıtsııa qatysty, dep habarlaıdy astana.kz.
«Búgingi is-shara kúzet-beket qyzmetin jol polıtsııasy qyzmetimen biriktirýge baılanysty ótýde. Osyǵan oraı Jol polıtsııasy men Kúzet polıtsııasy qyzmetkerleri úshin oqý sabaqtary uıymdastyrylýda. Onyń maqsaty jol polıtsııasynyń qyzmetkeri kúzet qyzmetin naqty bilýi, al kúzet polkiniń qyzmetkerleri jol polıtsııasynyń jol qaýipsizdigi erejeleri men kóshelerdegi kólik qozǵalysyn retteýdi, sondaı-aq qoǵamdyq tártipti saqtaýmen aınalysýdy túsinýi kerek», - deıdi Astana qalasy Jol polıtsııasy jeke batalonynyń shtab jetekshisi Bekzat Ýsmanov.
Birinshi kezekte, Kúzet polıtsııasy Polkiniń jeke quramyn kásibı-avtojúrgizýshilikke oqytý uıymdastyryldy. Buǵan qosa, jol qaýipsizdigin retteıtin normatıvtik-quqyqtyq bazamen tanysý jumystary júredi. Budan ári jol polıtsııasy qyzmetkerleri qoǵamdyq qaýipsizdik kezinde qoldanylatyn mindettermen tanystyrylady.
