Astanada «Aljır» lageriniń kórmesi ashyldy

ASTANA. QazAqparat – Elordada qýǵyn-súrgenge ushyraǵan qazaq zııalylarynyń taǵdyrynan habar beretin qundy qujattar men zattar qoıylǵan kórme jumysyn bastady, dep habarlaıdy QazAqparat tilshisi.

«Jyl saıyn bizdiń ortalyq «Aljır» memorıaldy keshenine arnalǵan kórme uıymdastyrady. Maqsat – qazirgi jáne keıingi urpaqqa «Aljır» tarıhy men sol jyldary bolǵan tarıhty tanyta túsý. Búgingi kórmege HH ǵasyrdyń basyndaǵy qazaq zııalylarynyń jeke zattary, olarǵa qatysty qujattar, sýretteri men kıim-keshek taǵy basqa qundy dúnıeler qoıylǵan. Sondaı-aq, bizdiń ortalyq sol ýaqytqa tıesili áli ashylmaǵan dúnıelerdi zertteýdi qolǵa almaqpyz. Taǵdyry «Aljır» lagerimen baılanysty tulǵalarǵa qatysty áli ashylmaǵan qanshama dúnıe bar», - dedi QR Mádenıet jáne sport mınıstrligi Sırek kitaptar jáne qoljazbalar ulttyq ortalyǵynyń dırektory Jandos Boldyqov.

«Aljır» memorıaldy kesheninen ákelingen tarıhı qundy jádigerler, qujattar men zattar kórmesin qala turǵyndary men qonaqtary tegin tamashalaı alady.

Kórme qazan aıynyń sońyna deıin jalǵasady.

«Ózderińiz biletindeı «Aljır» lageri qalanyń syrtynda ornalasqan. Kólik máselesi bar, ekiniń biri baryp tamashalaı almaıdy. Osyǵan oraı biz kelýshilerge yńǵaıly bolýy úshin kórmeni qalaǵa alyp kelip, uıymdastyryp otyrmyz», - deıdi ol.