Astanada «Altyn jebe» halyqaralyq týrnıri ótip jatyr
ASTANA. QazAqparat - Astanadaǵy «Qazanat» atshabarynda Jamby atýdan «Altyn jebe» halyqaralyq týrnıriniń ekinshi kúniniń saıystary ótip jatyr, dep habarlaıdy uıymdastyrýshylar.
Jarysqa 10 elden kelgen 20-ǵa jýyq surmergender qatysýda.
Qazaqstannan el namysyn «Altyn jebede» bes sportshy qorǵaıdy. Olar; Jamby atýdan Qazaqstan Respýblıkasy chempıonatynyń birneshe dúrkin júldegeri, 2016 jylǵy «Uly dala oıyndary» festıvaliniń jeńimpazy atanǵan Eldos Badashev jáne elishilik chempıonatta top jaryp júrgen sańlaqtarymyz Sarybaı Aıtbek, Aıkóz Eralhan, Týlybaev Abzal, Úzdenbaev Bekqalı.
Qazaq elinde tuńǵysh uıymdastyrylǵan «Altyn jebe» týrnıri úsh kezeńnen: shapshań atý, qalqan atý jáne jamby atýdan turady.
Aıta kter jaıt, jamby atý qazaq halqynda keń taraǵan mergendik synnyń bir túri. Atpen shaýyp kele jatyp jigitter ekpinin báseńdetpesten qurýly baqan ústindegi nysanany atyp qulatýǵa tıis. Ereje boıynsha sportshylar sórede óz sáıgúlikteriniń janynda bolady. Tóreshi belgi berisimen olar attaryn tez erttep, shaba jónelip, jolyndaǵy nysanalardy atyp qulatýlary kerek.
