Astanada «Altyn tuǵyr» ulttyq sport úzdikterin marapattaý rásimi ótti (FOTO)
QR Ulttyq sport túrleri qaýymdastyǵynyń uıymdastyrýymen ótkizilip otyrǵan sharada partııa Tóraǵasynyń birinshi orynbasary A.Myrzahmetov jeńimpazdardy quttyqtady, dep habarlaıdy nurotan.kz.
Bıyl partııanyń tikeleı qoldaýymen QR Konstıtýtsııasynyń jáne Qazaqstan halqy Assambleıasynyń 20 jyldyǵyna oraı Astana qalasynda Teńge ilýden I ashyq Azııa chempıonaty jáne Asaý úıretýden respýblıkalyq týrnıri, Astana qalasynda Qazaq handyǵynyń 550 jyldyǵyna oraı alaman báıge «Altyn tulpar» II respýblıkalyq týrnıri jáne «Qazaqstan Barysy» respýblıkalyq týrnıri, al Taraz qalasynda «Uly dala» oıyndary men «Eýrazııa Barysy» halyqaralyq týrnıri uıymdastyryldy. Osy baıraqty básekelerdiń úzdikterin anyqtap, jyldyń qorytyndysyn shyǵarý maqsatynda QR Ulttyq sport túrleri qaýymdastyǵy dástúrge saı bıylǵy jyly da úzdik bolǵan sportshylarǵa «Altyn tuǵyr» syılyǵyn tabystaý saltanatty is-sharasyn uıymdastyryp otyr. «2015 jyl ulttyq sportymyz úshin tabysty jyl boldy. Ulttyq sporttyń barlyq túrinen jarystar uıymdastyrylyp, júzden júırik, myńnan tulparlar anyqtaldy. Ulttyq sporttaǵy jetistikterimiz ulttyq qundylyqtardy qoldap, dástúrimizge mán berip júrgen Elbasynyń jáne barsha azamattardyń qoldaýynyń arqasy dep bilemin», - dedi A.Myrzahmetov. «Altyn tuǵyr» syılyǵy bıyl ulttyq sport túrlerinen úzdik kórsetkishke qol jetkizgen 11 sportshyǵa tabystaldy. Qaýymdastyq tarapynan taǵaıyndalǵan «Elimjan» tósbelgisine Jambyl oblysynyń ákimi Kárim Kókirekbaev laıyq dep tabyldy, dep habarlaıdy Ulttyq sport túrleri qaýymdastyǵynan.
Marapattaý rásimin QR Ulttyq spor túrleri qaýymdastyǵynyń qurmetti prezıdenti, general Qaırat Satypaldy, «Nur Otan» partııasy tóraǵasynyń birinshi orynbasary Asqar Myrzahmetov, QR Ulttyq telearnasynyń tóraıymy Nurjan Jalaýqyzy, Samuryq-Qazyna ulttyq ál-qýat qorynyń atqarýshy dırektory Darhan Káletaev jáne QR USTQ prezıdenti Bekbolat Tileýhan júrgizdi.
«Altyn tuǵyr» ıegerleri: 1.Kókpar sport túri boıynsha: «Jyl úzdigi» «Áýlıe ata» komandasy 2.Teńge ilý sport túri boıynsha: «Úzdik teńge ilýshi» - Ǵalymjan Іzjanov. 3.Jamby atý sport túri boıynsha «Úzdik jamby atýshy» - Aıkóz Eralhan. 4.Qusbegilik sport túri boıynsha «Úzdik búrkitshi» - Jalǵas Ákimbekov 5.«Altyn tulpar» jeńimpazy «Samaldyń» ıesi - Esbol Jappasov 6. «Qazaq handyǵyna 550 jyl» mereıtoıyna arnalǵan at báıgesiniń jeńimpazy «Tasqyn»tulparynyń ıesi - Bolat Ábishuly. 6. Qazaq kúresinen «Úzdik palýan» - Beıbit Ystybaev. 7. «Úzdik jyl uıymdastyrýshysy» - Rom Áýezhan. 8. Ulttyq sportqa eńbek sińirgen ardager - Ámirǵalıev Oryntaı. 9. Aýdaryspaqtan «Úzdik aýdaryspaqshy» - Ernazar Japaruly. 10. Ulttyq sportty úzdik nasıhattaýshy ujym - «Astana» telearnasy. 11. Ulttyq sportty turaqty nasıhattaýshy - «Kazsport» telearnasy.
Sondaı-aq ulttyq sporttyń mádenı sharalaryna turaqty atsalysyp júrgen ónerpazdar Eskendir Ibragım Áshimuly, Dosymjan Tańatarov, «Alaman» toby, «Alash uldary» toby, Ardaq Balajanova Alǵys hatpen marapattaldy.
