Astanada «Altyn sapa» óńirlik baıqaýynyń jeńimpazdary anyqtaldy

Keshe, qyrkúıektiń 2-si kúni «Jastar» saraıynda «Altyn sapa» óńirlik baıqaýynyń kórmesi ótti. «Astananyń 2010 jylǵy eń úzdik taýary» ataǵyn ıelenýge elordalyq kásiporyndardyń barlyǵyna teńdeı múmkindik berildi. Aıta keteıik, mundaı baıqaýlar búgingi kúni Qazaqstannyń barlyq aımaqtarynda ótip jatyr. Jeńimpazdar keıin QR Prezıdentiniń «Altyn sapa» júldesi úshin baq talastyratyn bolady.

Bıylǵy jylǵy kórme-baıqaýǵa qalanyń 23 kásiporny qatysty, onyń 11-i - óndiristik maqsattaǵy taýarlardy, 8 - halyq tutynatyn taýarlardy jáne 4 - azyq-túlik taýarlardy óndirýshi kompanııalar.

Baǵalaýdy, quramyna qoǵam ókilderi, sanıtarlyq qadaǵalaý qyzmeti men «Nur Otan» partııasynyń ókilderi sondaı-aq, memlekettik organdar qyzmetkerleri engen eksperttik komıssııa júrgizdi.

Eksperttik alqanyń ókili Dınara Jaılaýbaeva atap kórsetkendeı, jeńimpazdardy tańdaý kezinde - usynylǵan ónimniń eksportqa baǵdarlanýy, básekege qabilettiligi, ónimde qazaqstandyq shıkizattyń bolýy sondaı-aq, tıisti sertıfıkat pen ónimge qatysty halyqtyń oń tilekteriniń bolýy syndy belgilerge nazar aýdaryldy.

Eksperttik komıssııa eń úzdikterdi úsh atalym boıynsha anyqtady.

«Óndiristik maqsattaǵy eń úzdik taýarlar» atalymynda - «Appel City Buld» JShS, «Halyq tutynatyn eń úzdik taýarlar» atalymynda - Astana polıgrafııa» JShS jáne «Eń úzdik azyq-túlik taýarlar» atalymynda - «Astana-Ónim» AQ jeńimpaz tanyldy.